Visita á Residencia de Maiores de Barreiro

O pasado 20 de decembro, trasladámonos o alumnado de 5º e 6º de Primaria á Residencia de Maiores DomusVi de Barreiro, para levar a cabo unha actividade enmarcada no Proxecto de Bibliotecas Solidarias.

Na gran vestíbulo da residencia e para cerca de cen persoas, 5º interpretaou unha peza musical tradicional preparada en clase de música titulada "Nadal de Luintra", popularizada polo grupo galego Berrogüeto e recitaron poesía; despois 6º bailou unha peza e cantou para finalizar unha regueifa.
A visita resultou moi satisfactoria e proveitosa para as nenas e nenos, que contribuiron coa súa actuación musical, a que os nosos maiores pasaran un rato entretido e agradable nestas datas tan especiais. 

Agradecer ao centro "DomusVi" a súa atención durante a nosa estancia.

Visita Residencia Maiores Barreiro 2018

VIII Edición do Plan Navega con Rumbo

A Consellería de Cultura, Educación e Ordenación Universitaria, en colaboración co Colexio Profesional de Inxeñería en Informática de Galicia (CPEIG) organiza este curso escolar a oitava edición do plan "Navega con Rumbo", enmarcado dentro deo proxecto Abalar.

O obxectivo deste programa é concienciar ao alumnado, profesorado e familias no uso responsable de Internet e das redes sociais, dando recomendacions para unha navegación responsable e segura.

Un especialista do CPEIG viu ao centro educativo o xoves 20 de decembro para impartir unha sesion divulgativa cunha duración aproximada de hora e media. Ademáis serán apoiadas nas Guías de Boas Prácticas, que se poden descargar en formato electrónico na web do programa www.edu.xunta.es/navegaconrumbo. Ademáis, nesta web están a disposición da comunidade educativa xogos e enlaces de interés sobre a temática do programa. As sesiones están dirixidas preferentemente ao alumnado de 5º e 6º de educación primaria e 1º e 2º da ESO.

 

Charla Plan Director 2018: O ACOSO ESCOLAR

Como en anteriores cursos, e na procura da maior calidade e mellor formación educativa do noso alumnado, participamos un ano máis no Plan Director para a Convivencia e Mellora da Seguridade nos Centros Educativos e os seus Entornos que leva a cabo o Corpo Nacional de Policía.

Durante unha hora e media as nenas e nenos de 5º e 6º de Primaria seguiron con moita atención e interés a información que unha axente da Policía Nacional da Xefatura de Vigo lles deu sobre todas aquelas cuestións relacionadas co Acoso Escolar: como identificar o acoso, consellos para evitalo, como axudar a quen o sofre, etc.

Durante a charla tamén puideron plantexar todas as súas dúbidas.

Taller de Arte Urbana no Carballal!

O día 30 de novembro levouse a cabo na Sala de Informática do centro, un taller sobre arte urbana ofrecido polo Concello de Vigo, para dar a coñecer ao noso alumnado este tipo de expresión artística urbana, e que agora ten a súa máxima expresión no muro exterior de entrada ao centro, co mural realizado polo artista Pedro Sardiña. 

Todos os nenos e nenas recibiron formación sobre os materiais, ferramentas e maquinaria empregados para a realización deste tipo de murais, así como das técnicas utilizadas e a elección do tema sobre o que traballar.

Taller de arte urbana

Teatro no Concello: "Os catro monos"

O xoves 29 de novembro, asistimos no auditorio do Concello de Vigo, á obra de teatro: "Os catro monos", de estrea coa campaña "Impórtanos".

De novo a compañía A Tropa de Trapo axúdanos a reflexionar sobre o mundo que nos rodea e sobre a nosa pegada na construción das alternativas. 

Unha nova ocasión para que tanto os docentes coma o alumnado aprendamos algo máis e mellor sobre a cooperación e a solidariedade.

Visita da escritora galega LEDICIA COSTAS

O pasado día 27 de novembro recibimos a visita tan esperada e desexada da escritora galega Ledicia Costas. O Equipo de Biblioteca e a editorial ANAYA posibilitou unha vez máis que estivera con nós para falarnos do seu traballo e repostar ás preguntas do alumnado de 5º e 6º de Primaria. Ao rematar, e como recordo do seu paso polo colexio, Ledicia firmou aos nenos os seus libros e tamén os que temos dela na Biblioteca: "Escarlatina: a cociñeira defunta" e "A señorita Bubble".

Educación Vial en 5º e 6º

A pasada semana recibimos a visita un curso máis de Pili e Pablo, dous axentes da policía municipal de Vigo, pertencentes ao Departamento de Educación Vial, para dar unha charla de Educación Viaria ao alumnado de 5º e 6º de Primaria.

Estaba previsto como outros anos que 6º se trasladara ao PIT (Parque Infantil de Tráfico) do Castro, pero dadas as inclemencias do tempo dese día tivo que suspenderse e non puidemos disfrutar desa actividade.

O programa no que participamos desde hai anos, lévase a cabo nos colexios do municipio co obxectivo de formar na seguridade viaria e na prevención de accidentes.

 

Para máis información accedede a este artigo dun diario da nosa cidade ➤Pulsa AQUÍ

Tamén na páxina web do Concello de Vigo, no departamento de ➤EDUCACIÓN VIARIA.

5º e 6º visitan METEOGALICIA

O pasado día 12 de xuño desprazámonos a Santiago xunto aos nosos compañeiros de 3º para levar a cabo a visita as instalacións de METEOGALICIA.

Trala nosa chegada e despois de ser recibidos polo persoal do Centro, asistimos todos ao lanzamento dunha radiosondaxe desde o exterior das instalaciones. Alex Castro de 6º foi o escollido para soltala radiosonda meteorolóxica que, impulsada por un globo, proporciona información sobre o estado actual da atmosfera na nosa comunidade.
A continuación fomos todos á sala de control de Meteogalicia onde se analizan os datos que van chegando ao servizo e se establecen as prediccións según certos modelos informáticos. Alí tamén é onde se atenden as chamadas dos cidadáns que solicitan información do tempo, así como tamén as dos medios de comunicación.

Rematada esta 1ª charla informativa fomos divididos en dous grupos: 3º de Primaria por un lado e 5º-6º por outro, para recibir separadamente e a distinto nivel, información relativa a tódolos aparellos que utilizan os meteorólogos para facer as súas prediccións, así como tamén información sobre todo o relativo ás nubes e a algún dos fenómenos atmosféricos que teñen lugar por enriba das nosas cabezas.

    

Accede a METEOESCOLAS

Charla de Seguridade fronte ao lume e visita ao Parque Central de Bombeiros de Vigo

O pasado mércores, día 23 de maio, dous bombeiros do Parque de Bombeiros de Vigo ofreceron unha charla dirixida ao alumnado de 6º de Primaria, consistente en darlles a coñecer os sistemas de protección contra incendios e saber actuar en caso de emerxencia ante un accidente con lume, dentro do Programa Educativo Municipal de Seguridade que foi posto en marcha hai pouco tempo.

Con posterioridade, o pasado venres 1 de xuño visitamos coas nenas e nenos de 5º e 6º as instalación do Parque Central de Bombeiros da nosa cidade, onde  puideron coñecer de primeira man as súas dependencias, o seu material e equipos, así como o día a día no traballo dun bombeiro e a súa labor na protección da cidadanía, e que non se limita só á actuación fronte ao lume.

Visita 5º-6ºao Parque de Bombeiros de Vigo 2018

Ensaio 6ºPrimaria Actuación DLG2018

Para a celebración do Día das Letras Galegas o alumnado de 6º preparou unha actuación que consistiu no recitado do poema XV de “Cantares Gallegos” de Rosalía de Castro, unhas poesías da poetisa Gloria Fuertes, e unha canción do disco “Entre Néboas” do grupo galego TNT (Tanto Nos Ten).

Da preparación desta actuación deixámosvos a grabación dun dos ensaios finais do día anterior. Esperamos que vos gustara a súa actuación no día de onte!!

Ensaio Actuación 6ºPrimaria DLG2018

Visitamos "REPTIGALIA"

O pasado xoves día 3 de maio, visitamos a exposición de animais que se montou na Sala de Informática e que se contratou co gallo de que este curso o proxecto de Biblioteca está adicado aos animais.

Guiados polo coleccionista, puidemos descubrir cousas moi interesantes sobre os especímenes alí expostos. Resultounos moi bonita e interesante.

Reptigalia 2018