Felicitación de Aninovo!

Insertar en Blog

Obradoiro: "A ciencia en galego: A zona intermareal do noso litoral"

O pasado venres 15 de decembro realizamos a actividade: “A ciencia en galego: O noso litoral: A zona intermareal”, organizada polo Servizo de Normalización Lingüística do Concello de Vigo no noso centro.

No obradoiro, unha monitora ilustrou as partes nas que se divide a zona intermareal, que podemos observar cando imos a calquera praia da nosa fermosa costa.

Na presentación primeiro amosou ao alumnado diferentes exemplares de especies coma os balanos ou os tomates de mar. Tamén amosounos distintos tipos de algas e, entre elas, as <<fucus>>, a máis común do noso litoral galego.

A continuación o alumnado puido coñecer cómo estas especies compiten polo espazo e como loitan contra as diferenzas de temperatura, contra a sequedade do entorno e como se defenden ou evitan aos seus depredadores. Tamén a monitora contounos cómo se leva a cabo a formación da area nas praias.

Finalmente as nenas e nenos tiveron un tempo para manipular libremente a súa colección de exemplares mariños que, ademais dos seres vivos xa nomeados previamente, incluía un cabaliño de mar, ovos de raias estrelamares ou ourizos mariños.

Como conclusión do obradoiro, a monitora do programa de Normalización Lingüística na área de Bioloxía, convidounos a concienciar á nosa comunidade educativa na conservación e protección da biodiversidade do noso fermoso litoral Galego.

A zona intermareal do noso litoral

5º e 6º Visitan o Concello de Vigo

O pasado 30 de novembro 5º e 6º de Primaria levamos a cabo a visita que tíñamos programada ao Concello de Vigo. 

Durante a nosa estancia no Concello fomos guiados por diferentes estancias do mesmo e o alumnado foi informado da historia do edificio, do lugar onde está situado e, sobre todo, dos diferentes servizos que alí se prestan á cidadanía. 

Comezamos na lonxa de entrada e subimos a continuación ao lugar máis importante para todos e todas os vigueses e viguesas que é o Salón de Plenos do Concello. As nenas e nenos puideron tomar asento coma se foran os propios edís e coñecer o seu labor e o funcionamento dos plenos.
A mágoa foi que o Señor Alcalde non puido pasar a saudarnos como tiña previsto!

Despois subimos á 9ª planta para coñecer a sala de prensa e disfrutar das espectaculares vistas da nosa ría. A continuación baixamos ao sótano para entrar na Escola Municipal de Danza e alí puidemos asistir a unha das súas actuacións. Por último, coñecimos as estancias do Laboratorio Municipal e do Control de Tráfico da nosa cidade.

5º e 6º visitan o Concello

Charla Plan Director: "Risgos de Internet"

A pasada semana tivemos a primeira das charlas do Plan Director dirixida ao noso alumnado e impartida pola policía nacional, sobre os risgos de internet e o acoso escolar.

Nesta ocasión o alumnado de 5º e 6º asistiu á charla sobre “risgos de internet”. Aproveitamos para dalas gracias á policía pola súa asistencia e traballo de prevención cos nosos nenos e nenas.

 

Fomentando e traballando pola INTEGRACIÓN coa Asociación APAMP

No noso ideario educativo, e dentro do Plan Educativo do Centro, fomentamos e traballamos pola integración no noso alumnado e o deporte. Por este motivo o xoves 9 de novembro, desprazámonos ao Calvario co alumnado de 5º e 6º de Primaria para participar nunha actividade deportiva organizada pola Asociación APAMP (Asociación de Familias de Persoas con Parálise Cerebral).

Diante do Mercado do Calvario, os monitores da Asociación e algúns dos seus integrantes, mostraron aos nenos e nenas como se desenvolven eles, persoas con discapacidade, na actividade deportiva, ensinándolles as súas capacidades nas modalidades paraolímpicas da Boccia, semellante á petanca ; e Slalom, percorrido en cadeiras de rodas nun circuíto con obstáculos.
                           

Asistimos ao Teatro e a unha Exposición de Arte Galega

O camiño máis fácil non sempre é o que te axuda a saír do laberinto. Para saír sempre se necesita contar con algo que nos guíe pola vida: os amigos, a familia ou a escola son eses fíos que nos fan atopar a saída aos problemas.

Nesta ocasión asistimos á representación da historia de Daniel, un neno que sabe que en casa non sobran os cartos, pero, ¿por que non pode ter un Iphone coma os seus amigos? ¿Ou unhas Nike Air Zoom Pegasus 34? ¿Ou ir a esquiar? A el gustaríalle deixar os estudios e traballar para poder comprar o que quixera.

Unha vez rematada a obra desprazámonos ata a Sede Afundación para ver unha exposición co título «Percorrendo a nosa arte. Esencia dunha colección». Unha exposición que reúne 78 pezas destacadas da Colección de Arte Afundación entre pintura, escultura e fotografía. Un percorrido pola evolución da arte galega desde o século XIX ata a actualidade a través dalguns dos nomes e as obras máis significativas da historia de Galicia. Declarada de Ben de Interés Cultural pola Xunta de Galicia no ano 2015.

Os nenos e nenas introducíronse na arte cunha primeira actividade plástica e despois interactuaron coas obras da exposición para descifrar unha mensaxe secreta.

Teatro Laberinto e Selfies S.XIX 26-10-17

"Unha lección de vida"

DisCamino é unha iniciativa do vigués Javier Pitillas que, coa axuda de voluntarios, empregan o seu tempo libre para saír en bicicletas adaptadas con persoas discapacitadas, e ver cumprido así a súa vontade e o seu desexo de poder realizar unha actividade que polas súas limitacións non poderían chegar a facer realidade por sí mesmas.

Segundo figura na súa web: http://discamino.org/es/que-es-discamino/

a historia de DisCamino empeza no ano 2009 cando Gerardo, un muchacho sordo-cego de Vigo, fixo o seu primeiro Camiño de Santiago pedaleando sobre un Copilot, triciclo tándem de orixen holandés co que puido ver cumprido o seu soño.

Foi o mesmo entusiasmo de Gerardo quen, ao rematar esta aventura de realizar o Camiño, expresou o seu desexo de que outras persoas con problemas coma él, puideran facer o camiño xunto a él moitos anos máis.

“Acababa de nacer DisCamino”

E é así como dende entón, foron xa moitos os Discaminos realizados, e outros que están en proxecto realizar e que podedes seguir no seu Facebook:

https://www.facebook.com/DisCamino-206545792754488/?fref=ts 
A mensaxe que sobre todo quixeron transmitir ao alumnado foi que cando sexan maiores sexan eles tamén os que contribúan, dentro das súas posibilidades, axudando a outras persoas que coñezan e que pola súa discapacide o necesiten. E por outra banda - mensaxe especial de Gerardo - que animen ás persoas do seu entorno con algunha discapacidade a participar algunha vez da experiencia que ofrece DISCAMINO.

 

Exposición Oral: TIPOS DE BICICLETAS.

O xoves 14 de setembro e o martes 19, Hugo Veiga Puch e Alex Castro Del Olmo, como gran aficionados e practicantes que son do deporte da bici, déronnos unha charla en clase co título:

"Tipos de bicicletas"

O traballo tivo que ser realizado en dúas partes xa que o primeiro día non puidemos contar coa  presenza de Alex e Hugo encargouse de iniciar a exposición oral do traballo, para o cal preparan un "power point".

Gustou a todas e todos os seus compañeiros e estiveron moi atentos e interesados!

Á seguinte semana Alex, xa recuperado, completou a exposición sobre o tema falándolle ao seus compañeiros e compañeiras da súa bicicleta e tamén puido facer no patio do cole unha pequena demostración das súas habilidades ciclistas.

Así mesmo puidemos contar cunha bicicleta eléctrica, ver as súas características e probar o seu funcionamento na pista de futbito.

Agradecemos a Alex e Hugo a súa boa disposición e o seu espíritu emprendedor para facer este bo traballo, e que podan realizarnos algún máis ao longo do curso.

Tipos de bicicletas 14092017

OBRADOIRO CO HORTO

Co bo tempo o plantado no horto foi medrando moito, polo que decidimos facer un obradoiro coas leitugas que xa estaban moi fermosas. Esta vez decidimos facer uns canapés, para o que utilizamos: pan de molde, leituga, queixo, peituga de pavo, mortadela,tomates cherry e , como non, a leituga. Non nos esquecemos dos compañeiros que teñen algunha intolerancia e eles fixeron os seus, pero cos alimentos para celíacos.

 Mirade...

HORTO 3

HORTO 4

A materia descubrímola, e a materia traballámola. Que mellor forma de traballar a materia que convertíndonos en auténticos científicos e manipulando a mesma. Aquí tedes unha mostra de experimentos que buscamos en internet e que logo levamos a cabo para ver as reaccións, transformacións,...

Ciencia - Kizoa Editar Videos - Movie Maker

“ Viaxando polo continente africano”

Nacido en Guipuzcoa (País Vasco), o profesor Fausto López Salgado, rematou os seus estudios de Primaria (EXB) na nosa cidade no Colexio “Ramón y Cajal” (Picacho) e despois cursou o bacherelato no IES Santa Irene. Fixo os seus estudios universitarios na Universidade de Santiago de Compostela, licenciándose en Historia.  

Cunha grande experiencia vital, viviu e traballou en Hungría, Polonia e Rumanía. 

Na actualidade, cando non está de “trotamundos”, reside e traballa en Lanzarote (Canarias), onde ten a súa praza de profesor de historia nun instituto.                        

Desde xoven ten viaxado por Europa, América, Asia e África; e en moitas desas ocasións en solitario e subido a unha bicicleta porque, como dice el: "É como se chega mellor aos sitios e se coñece mellor ás xentes e os lugares".

E así, sen facer ruído, é deixando as pegadas das rodas da súa bici por onde pasa, é como nesta ocasión iniciou a súa máis longa viaxe ás terras da cuna da humanidade e de tanta diversidade cultural e paisaxística. En abril rematou unha longa viaxe en bicicleta polo continente africano de norte a sur, percorrendo durante 7 meses (209 días), 12 países e deixando tras de sí 14.481 km: desde a capital de Exipto, o Cairo, ata o mesmo cabo de Buena Esperanza (Sudáfrica); pasando por Sudán, Etiopía, Kenia, Uganda, Ruanda, Tanzania, Malawi, Mozambique, Swazilandia e Lesoto.

Coincidindo con que este curso o proxecto de Biblioteca do colexio estivo adicado a coñecer mundo, que mellor remate do traballado e as experiencias vividas, que contar coa presenza dun viaxeiro como Fausto, para coñecer un continente apaixonante de primeira man, sen os tópicos do que nos chega ás veces polos medios de comunicación, transmitíndolle tamén ás nenas e aos nenos as ganas de coñecer outras culturas e outros lugares, e vivir con paixón e esforzarse naquilo que se quere facer: con constancia, perseverancia e disfrutando da vida, e sabendo e aprendendo a convivir cos que son diferentes a nós.

Todo isto véunolo contar este martes día 30 ao alumnado de 5º e 6º, e todas e todos disfrutamos do seu relato e fomos partícipes do vivido na súa viaxe.

Por fin...... Ledicia Costas

Hoxe tivemos a sorte de que nos viñera a visitar a nosa grandiosa CHEF deste curso.... LEDICIA COSTAS. Con ela estivemos cociñando todo o curso e hoxe tivemos a sorte de que nos ensinara os seus ingredientes para facer o fermoso libro que estivemos a traballar "Escarlatina, a cociñeira defunta" .

Ledicia Costas on PhotoPeach

O circo dos Trucos

Actuación estelar do Circo dos Trucos.....

Circo dos trucos - Kizoa Editar Videos - Movie Maker

Última Degustación

Rematamos as nosas receitas estupefactas, os nosos chef xa teñen todos unha gran estrela "Carballal". Aquí a mostra das últimas degustacións.

degustación - Kizoa Editar Videos - Movie Maker

5º e 6º visitan o XVIII SALÓN DO LIBRO de Pontevedra

O pasado día 30 de marzo, visitamos en compañía dos peques de Infantil e 3º e 4º de Primaria o "XVIII Salón do Libro de Pontevedra". Fomos primeiro en autobús ata a nova estación de Vigo-Urzaiz e alí collimos un tren para Pontevedra. Chegamos en tan só 15 minutos!! Pero como tivéramos que esperar un bo rato en Vigo, mentras aproveitáramos para merendar e así poderlle dar tempo ao autobús a chegar á estación de Pontevedra e recollernos alí para trasladarnos ao Pazo da Cultura de Pontevedra. 

Neste vídeo poderedes ver como transcurriu esta xornada.

XVIII Salón do Libro de Pontevedra - Kizoa Editar Videos - Movie Maker

SEGUINDO AS PEGADAS DOS NOSOS ANTEPASADOS 

Dentro da nosa Programación Xeral, o alumnado visitou nesta ocasión o Museo de Pontevedra para realizar unha actividade dentro do seu programa de visitas escolares.

Consistiu nun percorrido polas salas adicadas á etapa máis antiga da Historia: a PREHISTORIA - Idade de Pedra (Paleolítico e Neolítico) e Idade dos Metais.

Rematamos a actividade na salaadicada aos vestixios da época romana.

Traballaron cunha ficha didáctica, o que permitiu que tomaran contacto e coñeceran, a partir dos restos arqueolóxicos alí expostos, algún dos aspectos máis relevantes do noso pasado: as ferramentas líticas máis antigas de Galicia, importantes pezas de ourivería, petroglifos, obxectos de uso doméstico, ou monumentos epigráficos romanos, entre outros.

No seguinte vídeo poderedes ver en imaxes como se desenvolveu a actividade.

5º/6º Museo Pontevedra 16/03/17 - Kizoa Editar Videos - Movie Maker

Doce e Verde

Seguimos traballando nas nosas cociñas lectoras, e esta vez tocounos flan de chocolate e ratatouille. Exquisito todo e as receitas e os chefs estupendos.

capitulo 7-8 - Kizoa Editar Videos - Movie Maker

Rosalia polo centro

Parece que polo centro pasou e a súa pegada deixou a nosa autora Rosalía de Castro. Entre todos decoramos as súas verbas e un gran poema entre todos no centro creamos.

Rosalia polo cole - Kizoa Editar Videos - Movie Maker

Aparello respiratorio

Grazas a nosa nutrición o noso corpo medra, corre, fala, móvese,.... pero para obter os nutrientes necesarios dos alimentos é necesario que faga o proceso de dixestión dos mesmos. Nese proceso interveñen os distintos aparellos: dixestivo, respiratorio, circulatorio, excretor. Agora que estamos co aparello respiratorio intentamos plasmar o mesmo e os seus órganos na seguinte actividade.

aparello respiratorio - Kizoa Editar Videos - Movie Maker

Seguimos cos libros na cociña

Ainda non sacamos os libros da cociña, e seguimos perfeccionando o noso curso de lectura e cociña á vez. Esta vez tocou a degustación de Pizza Romana ao xeito de Román e Cookies de chocolate tamaño XXL.

capitulo 5-6 - Kizoa Editar Videos - Movie Maker

As nosas exquisiteces

Os novos chef xa cociñaron e nos xa tivemos a ocasión de degustar as suas exquisitices. De esta vez tocou Brownie e Boliños de pan branco con mestura de iogur.

Capitulo 3-4 - Kizoa Editar Videos - Movie Maker

VIDA SAÚDABLE

Para poder levar a cabo unha vida feliz e alegre, vimos que temos que levar a cabo certas costumes alimenticias. Para iso, fixemos a nosa pirámide tridimensional na cal aprendimos os alimentos que debemos comer e a súa frecuencia, que nutrientes nos aportan e a actividade física que debemos de facer.

Pirámide tridimensional - Kizoa Editar Videos - Movie Maker

Os nosos primeiros cociñeiros

Como Escarlatina e Román nos axudan, estamos probando a convertirnos en auténticos Chef do mundo ou do inframundo. Aquí as nosas primeiras experiencias.Riquisimas, riquisimas!!!!

Cociñeiros do capitulo 1-2 - Kizoa Editar Videos - Movie Maker

Comezamos coa nosa aventura

Neste segundo trimestre comezamos a nosa andaina de grandes lectores e cociñeiros, posto que o noso libro no lo pide.  Qué gran aventura imos comenzar!!! a onde nos chegará? Aquí iremosvos mostrando os nosos capítulos e degustacións.

escarlatina - Kizoa Editar Videos - Movie Maker